ఎవరికీ..ఒక్క క్షణమ్ …ఇబ్బంది కూడదు…


poor

పాపం…మా వాచ్ మాన్ ప్రతీ రోజు..
నాలుగు వేలు ..పట్టుకు వెళ్ళి…బాంకులో..
మార్చుకుని…ఇంటికి కావాల్సిన వెచ్చాలు…తెచ్చుకుంటుంన్నాడు..
ఇప్పుడు రెండు వేలనుకుంటా….
ఆ రోజు నుంచీ …ఈ రోజు వరకూ..
ప్రతీ రోజూ…
ఎంత అన్యాం జరిగి పోయింది…పేదోళ్ళకి??…

ఎన్ని వేల ..లక్షల కోట్లు…బొగ్గయినా…టూ జీ అయినా..ఏదయినా కానీ…దోచుకోని..
వంద మంది దోపీడీ దారులు…తప్పించుకున్నా..
ఒక్క సామాన్యుడు…ఒక్క పూటయినా..
ఇబ్బంది పడకూడదు…
వందల సంవత్సరాల అవినీతికయినా తల వంచుతాం..కానీ..
పది రోజుల పాటు…ఈ భూతం మ్మీద పోరాటం చేయలేం…

10 People most affected by Modi’s Anti-Black Money campaign…


10 People most affected by Modi’s Anti-Black Money campaign

అనువదించే ఓపిక లేదు…
కాస్తా ఓపిక …వీలు చూసుకుని..
ఓ లుక్కేయండి…

శస్త్ర చికిత్స నొప్పి గానే ఉంటుంది…


black_money_2802560aApril 6, 2016..Return to frontpage

నేను మళ్ళీ బాదడం…సారీ…బ్లాగడం మొదలు పెట్ట గానే…మా శంకరం గాడు ఠపీ మని ప్రత్యక్షమయ్యాడు..
నెను విషయం చెప్తే దాన్ని  బ్లాగేవాడు ఒకప్పుడు…
వాడు చెప్పిన సారాంశం….రోజుకు పదహారు గంటల పని….ఆరువేల జీతం..నెలకి!!
ఎంత మంది శ్రమని దోచుకుని…బ్లాక్ మనీ గుట్టలు పోసుకుంటార్రా మీరు?
మీ మీద ఏమయినా చర్యలు తీసుకుంటే…దేశమంతా గగ్గోలు పెట్టేస్తుంది!!
అయిదు వందల కాయితం ఇచ్చి…యాబై రూపాయల పెట్రోల్ పోయమంటాడు ఒకడు..??
ఇంత కాలం పాటు పాత నోట్లు చెల్లుతాయ్..అన్నా కూడా…తీసుకోరేమి?
వ్యాపార లావా దేవీలన్నీ క్లియర్ గా ఐటీ కి చూపెడతారుగా..??
అది వ్యాపార రీత్యా మీ చేతిలోనికి వచ్చినపుడు…బ్లాక్ కాదుగా??
అంటే…మీరు చేస్తున్న వన్నీ తప్పుడు వ్యాపారాలేనన్న మాట…మీరు బ్లాక్ మనీ పోగేస్తున్నారన్న మాట!
ఈ పాత కాయితాలు తీస్కో మని భీష్మించుకుని కూర్చోవడం వల్లనె సమస్య…
మరింత ఉదృతమయ్యింది..(పెట్రోల్ బంకులూ…రైల్ వే స్టేషన్ల దగ్గరా)..
ఎన్ని సంవత్సరాలు ?అవినీతి పరుల దగ్గర గుట్టలు గా పడి ఉన్న వేల కోట్ల రూపాయల్ని తిడుతూ కూర్చున్నారే?మరిప్పుడు ఈ మూలుగులు దేనికో?
పాకిస్తాన్ మీద యుద్ధం చేయమన్నారు?తెగ ఎగిరారు?
అప్పుడు ఎలా తట్టుకో గలం అనుకున్నారు…జరిగే పరిణామాల్ని…?
ప్రపంచ వ్యాప్తంగా ఉన్న మెదడు కుళ్ళిన మీడియానే…మనకూ…ఉంది…
జనాల్లో ఆందోళన…గుబులు రేపి…ఇరవై నాలుగు గంటలూ…చానెళ్ళకు అతుక్కుపోయేట్టు చేసి…
వాళ్ళ రేటింగ్ పెంచుకోవడం….
ఇలాంటి పరిస్థితుల్లో ప్రజల్లో చైతన్యం నింపాల్సిన మీడియా…
ఖాళీ ఏటీఎం లను చూపిస్తూ..పొడవాటి క్యూలను చూపిస్తూ…తానొక పనికి మాలిన మీడియా నని నిరూపించుకుంది…
ఒక చానెల్లో….సూటూ..బూటూ…వేస్కున్నాయన…
నల్ల డబ్బున్న వాళ్ళు వేరే మార్గాలు చూసుకుంటారంటాడు …అవేమిటో …ఒక్కటయినా చెప్పడు…
సామాన్యులే…ఇబ్బంది పడుతున్నారని హైలైట్ చేసి…ప్రభుత్వాన్ని ఇరకాటంలో పెట్టాలన్న తాపత్రయం తప్ప…
అవినీతిని పెద్దాయన నిర్మూలించేయాలి…
మనం మాత్రం సమ్మగా మన పనులు పూర్తి చేసుకుని…
పనిక మాలిన టీవీ ప్రోగ్రాం లు పొద్దస్తమానం చూస్తూ కూర్చోవాలి…అవినీతినీ….నల్ల డబ్బునీ తిడుతూ…
సశేషం..

ఉప్పు పుకార్లూ కూడా సీఎం గారు చూడాలా??


  • దొరకదనే వదంతులు.. తెలుగు రాష్ట్రాల్లో వేలం వెర్రి
  • కిలో రూ.30 నుంచి వంద దాకా పలికిన ధర
  • వ్యాపారుల బ్లాక్‌ మార్కెట్‌ దందా
  • పెద్ద నోట్ల రద్దు పేరుతో దోపిడీ పర్వం
  • దుకాణాల వద్ద బారులు తీరిన జనం
  • పురుషులు బ్యాంకులు, ఏటీఎంల వద్ద,
  • మహిళలు కిరాణా దుకాణాల వద్ద క్యూ
  • ఉన్న చిన్న నోట్లు కాస్త ఉప్పునకు ఖర్చు
  • హైదరాబాద్‌లో పలువురు అదుపులోకి
  • కొరత లేదు: పౌరసరఫరాలు
  • ఉత్పత్తి బాగానే ఉంది: జైట్లీ, నిర్మల
హైదరాబాద్‌, నవంబరు 12 (ఆంధ్రజ్యోతి): ఉప్పు ఎక్కువ తింటే బీపీ పెరుగుతుందని డాక్టర్లు చెబుతారు. కానీ, ఉప్పు తక్కువైందంటూ తెలుగు ప్రజల బీపీని పెంచేశారు! ఉత్తరప్రదేశ్‌, ఢిల్లీల్లో మొదలైన వదంతులకు తెలుగు రాష్ట్రాల్లో వేలం వెర్రిగా స్పందించారు. పురుషులు నోట్ల కోసం బ్యాంకులు, ఏటీఎంల వద్ద క్యూ కడితే, మహిళలు ఉప్పు కోసం దుకాణాలు, సూపర్‌ మార్కెట్ల వద్ద ఎగబడ్డారు. పదులు, వందల సంఖ్య ఉప్పు బస్తాలు, ప్యాకెట్లు కొనుగోలు చేసేశారు. కొన్ని పట్టణాల్లో ఏడాదిలో విక్రయించే ఉప్పును కేవలం ఒక్క రోజులోనే అమ్మేశారంటే పరిస్థితిని అర్థం చేసుకోవచ్చు. ప్రజల వేలం వెర్రిని ఆసరాగా చేసుకున్న వ్యాపారులు ఇష్టారాజ్యంగా ధరలు పెంచేశారు. పది రూపాయల ఉప్పు ధరను 50 నుంచి 100 వరకూ పెంచేశారు. ఉప్పు ధర 300 నుంచి 500 వరకూ పెరుగుతుందని ప్రచారం చేయడంతో ఆందోళన పడ్డారు. మరికొన్నిచోట్ల ప్రజల వద్ద మిగిలిన చిల్లరను రాబట్టుకోవడానికి వ్యాపారులు కొత్త ఎత్తు వేశారు. ఉప్పునకు కృత్రిమ కొరత సృష్టించారు. దాంతో, బ్యాంకుల వద్ద పడిగాపులు కాసి తీసుకొచ్చిన చిన్న నోట్లను వ్యాపారులకు ఇచ్చి ఉప్పును కొనుగోలు చేశారు. హైదరాబాద్‌లోని వివిధ ప్రాంతాల్లో కిలో ఉప్పును 30 నుంచి 200 వరకూ విక్రయించారు. హోల్‌సేల్‌ షాపుల్లోనూ ఒక్కో బ్యాగుపై 400-600 అదనంగా వసూలు చేశారు. మలక్‌పేటలోని హోల్‌సేల్‌ షాపుల వద్ద జనం ఎగబడ్డారు. కాగా, పాతబస్తీలోని గుల్జార్‌హౌజ్‌ ప్రాంతంలో కిలో ఉప్పును రూ.200కు విక్రయిస్తున్న షాగంజ్‌ ప్రాంతవాసి మహ్మద్‌ సిరాజుద్దీన్‌ (23)ను పోలీసులు అరెస్టు చేశారు. షాపూర్‌ నగర్‌లో ఉప్పును బ్లాక్‌లో విక్రయిస్తున్న ఘన్‌ శ్యాం ట్రేడర్స్‌ ఎదుట స్థానికులు ఆందోళనకు దిగారు. పోలీసులు రంగ ప్రవేశం చేసి ఆ ట్రేడర్స్‌కు చెందిన రాధేశ్యాం, సావర్‌, నగేశ్‌లను అదుపులోకి తీసుకుని స్టేషన్‌కు తరలించారు. బోరబండ పరిసర ప్రాంతాల్లో ఉప్పును అధిక ధరకు విక్రయించిన వ్యాపారులను ఎమ్మెల్యే మాగంటి గోపీనాథ్‌, డిప్యూటీ మేయర్‌ బాబా ఫసియుద్దీన్‌లు మందలించారు.
పాత బస్తీలో కిరాణా షాపులు, సూపర్‌ మార్కెట్ల వద్ద ప్రజలు బారులు తీరారు. చార్మినార్‌ నుంచి లాడ్‌బజార్‌ వెళ్లే మార్గంలో ఉప్పును అధిక ధరకు విక్రయిస్తున్న ఆటోవాలాను పోలీసులు అదుపులోకి తీసుకున్నారు. జగిత్యాల జిల్లాలో కిలో రూ.10 ఉన్న టాప్‌, నిర్మా కంపెనీల ఉప్పును రూ.30-50 వరకూ; రూ.18 ఉన్న టాటా, ఆశీర్వాద్‌, అన్నపూర్ణ వంటి కంపెనీల ఉప్పు ప్యాకెట్లను రూ.50 నుంచి 70 వరకూ విక్రయించారు. భువనగిరిలో ఒక్కొక్కరూ బస్తాలు, వందలు, పదుల కిలోల లెక్కన కొన్నారు. గ్రామాల్లో రిటైల్‌ వ్యాపారులు ఉప్పును ఆటో ట్రాలీల్లో తరలించారు. మరికొంతమంది ఏకంగా ఆటోలను తీసుకొచ్చి హోల్‌సేల్‌ దుకాణాల ముందు బారులు తీరారు. భువనగిరి గంజ్‌లోని హోల్‌సేల్‌ డీలర్‌ ఒకరు ఏడాది మొత్తం విక్రయించే ఉప్పును శనివారం ఒక్కరోజే అమ్మేశానని చెప్పారు. నల్లగొండ జిల్లా తుర్కపల్లి మండలవ్యాప్తంగా ఉప్పు నిల్వలు లేకుండాపోయాయి. సంగారెడ్డి, మెదక్‌, సిద్దిపేట జిల్లాల్లో కిలో ఉప్పును రూ.50కి పెంచేశారు. సోమవారం నాటికి కిలో 300 కానుందనే ప్రచారం జరగడంతో నారాయణఖేడ్‌ ప్రాంతం, అల్లాదుర్గం, పుల్‌కల్‌, హత్నూర తదితర మండలాల్లోని కిరాణా షాపుల వద్దకు పెద్ద సంఖ్యలో వచ్చి కొనుక్కెళ్లారు. 150 రూపాయల 30 కిలోల దొడ్డు ఉప్పు బస్తాను మహబూబ్‌నగర్‌, వనపర్తి జిల్లాల్లో 500 నుంచి 600కు విక్రయించారు.
అయోడైజ్డ్‌ ఉప్పును 50-60కి అమ్ముతున్నారు. కరీంనగర్‌, రాజన్న సిరిసిల్ల జిల్లాల్లో ఉప్పు కోసం జనం క్యూ కట్టారు. పెద్దపల్లి జిల్లా గోదావరి ఖనిలో వ్యాపారులు ముందే అప్రమత్తమై ‘నో స్టాక్‌’ బోర్డులు పెట్టారు. పక్క రాష్ట్రాల్లో ఉప్పు కొరత ఏర్పడిందని, తెలుగు రాష్ట్రాల్లోనూ ఉప్పు దొరకదనే వదంతులతో బైకులు, ఆటోల్లో వచ్చి మరీ కొనుగోలు చేశారు. దాంతో ఖమ్మంలోని గాంధీ చౌక్‌లో రోడ్లన్నీ కిక్కిరిశాయి. ఉప్పు నిల్వలు మొత్తం అయిపోవడంతో అప్పటికప్పుడు మళ్లీ లోడు తెప్పించారు. ఇక, కడప జిల్లా రాయచోటి, సుండుపల్లె, చిన్నమండెం, ప్రొద్దుటూరు, ముద్దనూరు, జమ్మలమడుగు, బద్వేల్‌, పులివెందుల తదితర ప్రాంతాల్లో ఉప్పును పది రెట్లు ఎక్కువ ధరకు విక్రయిస్తున్నారు. సముద్రం ఒడ్డునే ఉన్న.. ఉప్పు పండించే నెల్లూరు జిల్లా నాయుడుపేటలో 160 రూపాయల ఉప్పు బస్తా రూ.500 పలికింది. నంద్యాల, అనంతపురం తదితర ప్రాంతాల నుంచి వ్యాపారులు పెద్ద ఎత్తున ఉప్పు కొనుగోలు చేశారు. అధిక ధరకు విక్రయిస్తుండడంతో బుచ్చిరెడ్డిపాలెంలో శుక్రవారం రాత్రి ఘర్షణ జరిగింది. ‘‘నిత్యం అందుబాటులో ఉండే ఉప్పు ఇప్పుడు బంగారం ధర కంటే భగ్గుమంటోంది. ఓవైపు నగదుకు ఇబ్బందిగా ఉంటే ఇప్పుడు ఉప్పు భగ్గుమంటోంది’’ అని వేమసాని రాజగోపాలనాయుడు ఆందోళన వ్యక్తం చేశారు. కర్నూలు జిల్లాలో 30 నుంచి 100 వరకూ వివిధ ప్రాంతాల్లో వివిధ ధరలకు విక్రయించారు. విజయనగరం, విశాఖల్లో ఉప్పును బ్లాక్‌ చేశారు. కాగా,దీనిపై పౌర సరఫరాల మంత్రి పరిటాల సునీత అన్ని జిల్లాల జేసీలు, పౌర సరఫరాల అధికారులతో టెలి కాన్ఫరెన్స్‌ నిర్వహించారు. యూపీ వంటి రాష్ట్రాల్లో ఉప్పు కొరత ఏర్పడిందని తెలుసుకున్న ప్రధాన హోల్‌సేల్‌ మార్కెట్‌ అయిన బేగం బజార్‌లో వ్యాపారులు అమ్మకాలు నిలిపి వేశారు. తెలిసిన వారికి మాత్రమే అమ్మకాలు చేశారు.

మొరాదాబాద్‌లో మొదలు
న్యూఢిల్లీ, నవంబరు 12: పెద్ద నోట్ల రద్దు నిర్ణయం ఉప్పు కొరతకు కారణమైంది. ఉప్పునకు కొరత లేదని ప్రభుత్వాలు మొత్తుకుంటున్నా వినిపించుకోవడం లేదు. ఇంతకీ, ఉప్పు వదంతులు పుట్టింది ఉత్తరప్రదేశ్‌లోని మొరాదాబాద్‌లో! ఉప్పు కొనుక్కోవడానికి కొంతమంది షాపులకు వెళ్లారు. పెద్ద నోట్ల రద్దు కారణంగా చిన్ననోట్ల కొరత వచ్చింది. అంతా రూ.500 నోట్లనే తీసుకెళ్లి ఉప్పు తదితర నిత్యావసరాలు కొనుక్కుంటున్నారు. దాంతో, వారికి చిల్లర ఇవ్వడం వ్యాపారులకు సమస్యగా మారింది. దాంతో, మూడో కిలోల ఉప్పునకు రూ.500 ఇవ్వాలని కొంతమంది వ్యాపారులు డిమాండ్‌ చేశారు. దాంతో, ఉప్పు కొరత కారణంగానే ఇలా చేస్తున్నారనే అపోహ ప్రబలింది. శుక్రవారం సాయంత్రానికే పరిస్థితి ఆందోళనకరంగా మారింది. దాంతో, వ్యాపారులు కూడా ఉప్పు ధరను పెంచేశారు. ఇక, ఉప్పుపైనే మరో కథనంవినిపిస్తోంది. చైనాలో కిలో ఉప్పు రూ.100 అయిపోయిందని, ఎక్కువ జనాభా కనక ఎక్కువ ఉప్పు వినియోగం కూడా అక్కడేనని, దాంతో మన దేశంలోనూ కొరత వస్తుందనే ప్రచారాన్ని ఢిల్లీలోని దర్యాగంజ్‌ ప్రాంతంలో కావాలనే సృష్టించారని అంటున్నారు.

‘చిల్లర’ ఎత్తుగడ

మార్కెట్‌లో చిల్లర నోట్లకు ఉన్న డిమాండ్‌ దృష్టిలో ఉంచుకుని వ్యాపారులు కొత్త ఎత్తుగడ వేశారు. ఉప్పు ధర పెరుగుతుందనే ప్రచారానికి తెర లేపారు. రూ.500, రూ.1000 నోట్లను రద్దు చేస్తూ కేంద్ర ప్రభుత్వ నిర్ణయం తీసుకోవడంతో నాలుగు రోజులుగా పేద, మధ్య తరగతి, ధనిక వర్గాలనే తేడా లేకుండా చిల్లర కోసం బ్యాంక్‌ల వద్ద క్యూలు కడుతున్నారు. పెద్ద ఎత్తున చిల్లర రాబట్టుకునేందుకు తక్కువ ఖర్చుతో కూడిన ఉప్పును అమ్మకానికి పెట్టాలని కొందరు వ్యాపారులు వ్యూహాత్మకంగా ఉప్పు ధర పెరుగుతుందంటూ ప్రచారం చేశారు. సోషల్‌ మీడియాలో కూడా పెద్ద ఎత్తున ప్రచారం జరగడంతో పల్లెల్లో ఎక్కువగా ఉప్పుకు డిమాండ్‌ పెరిగింది. ప్రతి ఇంటా ఉప్పు అవసరం కచ్చితంగా ఉంటుంది. దాంతో, రెండు రోజులుగా బ్యాంకుల వద్ద పడిగాపులు కాసి తెచ్చుకున్న రూ.50, 100 నోట్లతో ఉప్పు ప్యాకెట్లను పెద్ద ఎత్తున కొనుగోలు చేశారు. దీంతో వ్యాపారులకు ఉప్పు అమ్మకాలతో లాభం చేకూరడంతోపాటు పెద్ద ఎత్తున చిల్లర పోగైనట్లయింది. దీనికితోడు చాలా కాలంగా గోదాముల్లో నిల్వ ఉన్న ఉప్పు బస్తాలు ఖాళీ అయ్యాయి.
పది ప్యాకెట్లు కొన్నా..
ఉప్పు ధర పెరుగుతుందని అందరూ అంటున్నారు. చుట్టుపక్కల వారు ఒక్కొక్కరు ఐదారు ప్యాకెట్లు కొన్నారు. ఉప్పు ధర రూ.200, రూ.300 పెరిగితే కష్టం కదా. పొద్దున్నే బ్యాంక్‌కు వెళ్లి తెచ్చుకున్న చిల్లర డబ్బులతో 10 ప్యాకెట్ల ఉప్పు కొన్నా. వ్యాపారులు కూడా ముందుగా ఉప్పు లేదని ఎక్కువ ధరకు విక్రయించారు.